AIKIN TELA

AIKIN TELA

A tsakanin shekarun 1998 zuwa 2002 na yi aikin tela, tun daga kan koyon sana’ar har zuwa }warewar da na samu.

Amma asalin dalilin da ya sa na yi wannan wa}ar shi ne, a watan Ramadan na shekarar 1423 bayan hijira na yi ]inkin da ya wahalar da ni }warai. 

Kusan kwana arba’in na yi ina kwana a shago in ka ha]a da ‘yan kwanakin da ke kafin azumin da kuma kwanakin bikin Salla don dukansu na yi su ne a shagon.

To da na auna sai na fuskanci ba wata riba ga irin wannan aiki na kwana ]inki. Duk da yake na sami ku]i sosai amma na rasa inda suka shiga, don ko ]inkin Sallah na al’ada ban yi ba, ma’ana ban sami halin ]inka yadin da na saya don kai na ba. Sannan ba wata ibadar kirki; Ba karatun {ur’ani, ba Tahajjud, ba zuwa wuraren Tafsiri! Wuni kawai nake ina kwana ]inki.

Ga mutane wa]anda ba su sami ]inkunansu ba suna ta ganin ba}ina. Da dai sauran matsaloli, wa]anda na ambaci mafi yawansu a wa}ar.

Wa]annan dalilan su suka sa na yi wannan wa}ar saboda takaici da ya addabe ni.

Wa}ar layi ]ai-]ai ce. Karinta na wata wa}ar fim ]in Hausa ne wadda Misbahu Ahmad yayi, ya na mata amshi da cewa

Iyye iye duniya labari

Ni ko sai na ce

Iyye iye tela sarkin aiki

Ga wa}ar:

1.    Allah ni nake yabo ban fasawa

2.    Gun manzo nake salati da yabawa

3.    Alaye, abokanai ban warewa

4.    Har matanshi Sayyadi na sanyawa

5.    Aikin tela yau na ke son wa}ewa

6.    Don na yi shi shekaru ban mantawa

7.    Na san duk lago da wayau da iyawa

8.    Gun koyon shi na iya har sabawa

9.    Bayan na iya na zam ban hutawa

10.   Aikin tela babu damar holewa

11.   Wahala ce kawai ciki ba }arewa

  

12.   Kullum ]inke-]inke ko ko farkewa

13.   Ko kuma yanka yaduka ko gogewa

14.   Ko facin da dole sai an toshe wa

15.   Wani tsoho ya takura bai }yalewa

16.   Al}awarinmu ba mu tsoron karyawa

17.   Costumer ido yake zazzarewa

18.   Ha}uri sai mu ce ya yi ko }yalewa

19.   Sai uzuri muke fa]a ko bayarwa

20.   Keken babu mai tana gun gyarawa

21.   Ai mutuwa akai, buki bai }arewa

22.   NEPA ba wuta zare na tsinkewa

23.   In azumi ya zo wuya aka ninkawa

24.   Kwana yanka riguna ko ]inkawa

25.   Yin rambul ga wanduna har hantsewa

26.   Aljihunmu bai cika bai batsewa

27.   Kai wata rana ban da asi na kashewa

28.   Ga basir yana shiga bai fasawa

29.   Ba ma yin tahajjudi don ta~ewa

30.   Sai neman ku]in da ma tarawa

31.   Ga }arya wajenmu ba ma jurewa

32.   Idi ban da mu ake lissafawa

33.   [inki bai barin mu domin holewa

34.   Kowa ya yi ]an wuya don ramewa

35.   Ga barci idonmu ya kusa cinyewa

36.   Ba ma yin shi ba mu samin hutawa

37.   Jam’i ban da tela komai dagewa

38.   Kifi ne a rijiya bai motsawa

39.   Bai jure wa zolaya bai daurewa

40.   Yadin ‘yan uwa ya zam zai cinyewa

41.   Ko ya sayar, ku]in ga banza ya kashewa

42.   Matsalolinmu ‘yan uwa ba }arewa

43.   Na bar tela ba ni fatan komawa

44.   Wannan ja’iba da]ai ban jurewa

45.   Laifin ya wuce batun iya yafewa

46.   Don jama’a suna yawan tsittsinewa

47.   Mu fatanmu Rabbana zai yafewa

48.   Dangi sai ku ba da }aimin dagewa

49.   Ko za}in aya ku san za ku yabawa

50.   Allah sa batun ku zam kun ganewa

51.   Nan zan dakata batu zai }arewa

52.   Sai wata rana Allah sa zamu gamewa

53.   Don wai kar ku zam da ni kun mancewa

54.   Dangi kun sani fa ai ba canzawa

55.   Nai salama ku tabbata kun amsawa

56.   Sunana Kabiru ko za ku ri}ewa

57.   Ya Allah ya ba mu mu duka dacewa

25 ga watan Yuli, 2002

Zariya.

GAISUWA GA ALBANIY

GAISUWA GA ALBANI

Malam Muhammad Auwal Adam Albani na Zariya sanannen mutum ne da ya shahara a harkar karantar da Sunna da a}idar salafiyya.

Tun wajejen 1997 nake koyon karatuka da dama a wajen shi, musamman a fannonin Hadisi, A}ida, Usul, da sauran fannoni na addinin musulunci.

Na da]e ina tunanin in yi mishi wa}a, amma hakan bai samu cikin gaugawa ba. Sai a shekarar 2005, sa’adda na sami damar yi masa wannan wa}a.

Karin wa}ar na same shi ne a wajen wani mawa}i da ya yi wa {ur’ani wa}a a gidan rediyon Nagarta. Shi cewa yake yi a amshinsa

Mu kama karatu

Mui ta riko da zancen Allah

Kur’ani

Ni kuwa sai na ce:

A gai da min kai

Babban malamin salafiyya

Albani

Ga wa}ar:

1.    Da sunan Allah Sarki ni nake farawa

       Ina ro}on Allah Sarki ya karan baiwa

       Cikin wa}en da a yau zan yi wa ]a mai baiwa

       Muh’d Auwal Adamu wanda shi aka ce wa

       Albani

2.    Ina ta salati gun Manzo uba gun Fati

       Sa’annan na sanyo a ciki da Alul-baiti

       Da su da sahabbai manya ne da sun yi wafati

       Akan bin sunnar Manzona da tsantsar aikin

       Imani

  

3.    Masoya Sunna yau ku tsaya ku ]an saurara

       Ku karka]e kunne zan wa}a ga masu basira

       Uban AbdulBarri gwarzon da ya wuce tsara

       Ba}iyyatu ahlil-khairi wajen hadisi da sanin

       Kur’ani

4.    Idan fa ana dara dole uwa akan fid da ta

       Wajen ilimi Malam Auwal yana da bajinta

       Yana da fasaha sannan ba ya son mai wauta  

       Ina gai da ka ina ta yaba wa wannan gwarzon

       [anmasani

5.     A fannin ilimin {ur’ani ha]a da Hadisi

        {wararre ne shi bai saba wa khairin-nasi

        Wurin fatawa in dai har ya tarar da hadisi

        Ba zai mai tawili ba a gai da kai ya Malam

        Albani

Ina gai da ka

Allah ya tsare ka

Ya kare nufinka

Ya ]aukaka harka

Ba shakka

Kana da nufin kashe sa~ani

6.     Sa’annan ya san fannoni na duk tarihi

        Da fannonin Larabci duk yanai masu sharhi

        Wajen kafa hujja bai hada munkari da sahihi

        Wajen fikihu ma ya yi fice da gaske nake ba

        Tsammani

7.    Ku gai da min Malam masani akan komfuta

       Yana kera ta idan ta baci zai gyarata

       Yana da sani kan duk ilimin da yas shafe ta

        Ku bar mamaki don nace da ku ya san kowane

        Fanni 

8.     Mutum ne mai baiwa da take da ban mamaki

        Masoya Allah sun san ba guluwwi a ciki

        Idan nac ce Albani za ya cinye maki

        Idan da za ai mai exam wajen maki kuma ai

        Tsanani

9.     Ba zan ~oye ba Albani yana burge ni

        Saboda biyar sunnar Manzonmu dan Adnani

        A kanta Muhammadu ke wa’azi yana ta bayani  

        Yana cewa dangi sunna mu bi ta mu bar yin

        Sa~ani

10.   Yana ta kiran dangi don ]ai su bi magabata

        Su daina biyewa jahilci da aikin wauta

        Su gyara a}ida kan Sunna su inganta ta

        Ya ce wannan hanya ita ce ka]ai a ciki ba

        Ru]ani

Ina gai da ka

Allah ya tsare ka

Ya kare nufinka

Ya ]aukaka harka

Ba shakka

Kana da da nufin kashe sa~ani

11.    {wararren malam ya yafe wa mai zaginsa

         Ya ce ba komai don Allah yake aikinsa

         Ya ce da masoya su da wa]nda ke }yamarsa

         Dukansu guda ne don yace dukanku Musulmi

         Ikhwani

12.    A gaida min kai, kai mana maganin‘yan shi’a

         Da su da iyayensu manya dake masha’a

         Gaba ]aya su da wa]anda suke ta aikin bidi’a

         Ka tona asirin tsarinsu da ~arnarsu kai ta

         Bayani

13.    Wa]anda suke zagin sunna ko ka bi ta kansu

         Wajen yin raddi ba ka yin ragi a garesu

         Kana kyararsu da tsabagen ba}in aikinsu

         Nufinka ya zam tsantsar sunna ta danne aiki

         Mai muni

14.    Muhammadu Auwal malam ne da bai da mugunta

         Wajen koyar da karatu ba ya yi ma }eta

         Yana yin dalla-dalla mas’ala ya baje ta

         Wajen reference zai baka tuli ka je ka ji }ari

         Na bayani

15.    A halayenshi Muhammadu babu yanke zumunta

         Da]ai ba ya zagi, }arya ko bai }aunar ta

         Ka bar shi wurin tallan sunna da kuranta ta

         Da bayyana ha}}un ko da ‘yan ]ari}a za sui

         Gurnani

            Ina gai da ka

Allah ya tsare ka

Ya kare nufinka

Ya ]aukaka harka

Ba shakka

Kana da da nufin kashe sa~ani

16.    Ina kake malam wanda ku]i baza su saye ba

         Ku daina tayawa don ni na sani ba riba

         Ba zai canza ba don ‘yan kyautukanku na zamba

    A don haka ne ma bai kar~a, bare wa’azi nai

    Yai rauni

17.    Ina kake malam ]an baiwa da babu irinka

         Wajen iliminka da tsarin rayuwar da ka ]auka

         Da gogewa kan harkar rayuwa da nufinka

         Na alheri, kullum sunna ta }ara gaba kowane

         {arni

18.    Ina ro}on Allah Sarki ya }ara haza}a

         Da ]umbin ilmi, don da’awa ta zam ta mi}a

         Ku zo ku bi sunna ‘yan bidi’a ku daina zala}a

         Idan kun bi ta, kun dace da tsarin Allah

         Kur’ani

19.    Ka je maktab ]in malam don ka sha mamaki

         Ka bai wa idonka abinci ya kalli kayan aiki

         A nan ne za ka ga littaffi ka bu]e baki

         Muhammadu Auwal ya tara su ya tsara fanni-

         Fanni

20.    Yabon da nake wa malam ni a nan zan huta

         Idan an kwana biyu wata}il na ]an maimaita

         Ya Rabbi ka kare min malam ka }ara fahimta

         Ka sa mu ci amfanin ilmin Muhammadu Auwal

         Albani

Ina gai da ka

Allah ya tsare ka

Ya kare nufinka

Ya ]aukaka harka

Ba shakka

Kana da da nufin kashe sa~ani

21.    Inai muku bankwana danginmu sai wata rana

         Idan kuka tad da Muhammadu sai ku mi}a yabo na

         Ku ce masa Asgar ya gaishe shi, nai masa murna

         A kan kyan aikin da yake ya]a sunnar Manzo

Adnani

22.    Ku ce masa Allah na ro}a ina }arawa

         Ya ba shi sawaba har ranar shigar shi kushewa

         Ya sa Manzona zai cece shi ranar tsaiwa

         Ya zarce Aljanna, Allah ka kare min Sheik

         Albani

23.    A wannan baitin zana rufe ku ]an ban uzuri

         Ina da larura zan tare ya-nawa da sauri

         Ku mun ha}uri don wa}ar tawa ba ta da tsari

         Saboda }arancin baiwata da tsantsar fikira

         Mai rauni

Ina gai da ka

Allah ya tsare ka

Ya kare nufinka

Ya ]aukaka harka

         Ba shakka

Kana da da nufin kashe sa~ani

23 ga watan Agusta, 2005

Zariya.

DARUL HADITH

Na yi hidimar }asa wayo a shekarar 2005 a garin Abeokuta, babban birnin jihar Ogun. A lokacin da na zo tafiya sansanin matasa masu yi wa }asa hidima a Shagamu, sai na ga dacewar na yi wa wasu ]alibaina na makarantar Darul Hadith bankwana na musamman a wa}e. Don haka ‘yan kwanaki kafin na bar Zariya zuwa Shagamu sai nu rubuta wannan wa}ar.

Wa}a ce mai kwar hudu. Karinta ina tsammanin asalin shi na wa}ar ga]a ne. Amma ni dai na ]auko shi ne daga wakar ]an uwa Malam Adam Abul-Abbas wadda ya yi mai suna Hijabi.

Ga wa}ar:

1.    Darul Hadisi ina son ki

       Da ke da duk ma’abotanki

       Ina nufin ]alibbbanki

       Gare su nai shaidar kirki

2.    Darul Hadisi gidan Sunna

       Ajin da ya zarce ko ina

       Ga ]alibai marasa sakana

       Wa]anda raina ke }auna

3.    Mun yi karatoci da yawa

       Littattafai har saukewa

       Duk Juma’a ba fasawa

       Karatuka muka bayarwa

4.    A da mu kan yi da an sauko

       A juma’r kowane mako

       A yanzu ko loton farko

       Na safiyar Juma’ar mako

5.    Mun ka karanta [ahawiyya

       Wurin a}idar salafiyya

       Mun sauke Allah ya biya

       Ya ba mu iko na biyayya

6.    Da Tabsira mun sauke ta

       Ka sanya Umda bayanta

       Sanya Adab sai ka dakata

       Akwai ragowa zan furta

7.    Ina nufin Talkhisin nan

       Na Siffantun malam din nan

       Albani ta hadisan nan

       Da ma Janaza kuma san nan

8.    Mun ka yi littafin Nahawu

       Da Sarfu kui ta biyar sawu

       Na baitukan in nai sahawu

       Ku ]an tuna mani kui afwu

9.    Da Musdalah mun koye shi

       Shi da Usul don mun yi shi

       Dukan su komai da ka ji shi

       Dalla-dalla ba }unshi

10.  Ya ]alibai gani gareku

       Ina yabawa dukaninku

       Don kuwa in dai da ba ku

       To ai ba makarantarku

11.  Kuna ta jure zuwa darasi

       Ko da ba ku da ko sisi

       Allah ya sa ranar ba’asi

       Mu garzaya duka Firdausi

12.  Ai dole na jinjina ma wasu

       Wa]anda ke cika aikinsu

       Wa]anda ba sa latti da su

       Nake batu, ku kun san su

13.  Da masu latti da ‘yan fashi

       Da ni da su sam ba bashi

       Babu yabo izuwa sashi

       Na masu ]an banzan fashi

14.  Masu fahimtar darusana

       Allah ya sa ku a Aljanna

       Duk wacce ko ta zamo sauna

       To walla ni babu ruwana

15.   Na so a ce na kira suna

        One-by-one na mutane na

        Amma yawan ku shi ya hana

        Don kar a zo a ji haushina

16.   Don ko hala in mance wata

        Ko ko a ce na zage ta

        Amma ha}i}a ba mafita

        Don wasu kam sai na furta

17.   Irinsu A’isha mai naci

        Na tambaya ba ta sakaci

        Cikin aji ba ta barci

        Tana kiyaye da lokaci

18.   A’isha da ke da Firdausi

        Ai tuni nai muku lasisi

        Yaran da in dai ga nassi

        Ba sa sa~a wa hadisi

19.   Allahu Rabbi ya biya ku

        Ya sa ku aure tamkar ku

        Sannan ya }ara fahimtarku

        Ya yau}a}a muku }arshenku

20.   Kada ki ce na manta ki

        Asma’u yarinyar kirki

        Dukan ajin nan }annenki

        Don kin riga su a gaishe ki

21.   Dake da duk ‘yan }annenki

        Walla kuna nunan kirki

        Amma na kan sha mamaki

        Yadda kike fashin aiki

22.   Khadijah ke ba kya wasa

        Irinki yaya ga Nafisa

        Wacce a yanzun tai nisa

        Wacce a ke ce wa Hafsa

23.   Kada ki manta burinki

        [anki ya zam yaron kirki

        Ya zarce Ibnu Hajar, sonki

        Yai ta wa sunna jan aiki

24.   Ya karya wannan }alubale

        Da tuntuni aka daddale

        Allah ka sa yaron ya }ale

        Kar burin ya bi kwale-kwale

25.   ‘Yar Bilkisu da Jamila

        Har ma na sanya da ‘yar Sala

        Na kan tuno ku da madalla

        Ban so ai maku bulala

26.   Ku daina latti da ke Murja

        [iyar da ba ta da ja-in-ja

        Da Aisha sai kin canja

        Tsawon hijabi }asa ya ja

27.   Dole na sanyo Aishatu

        Da Rabi har da Suwaibatu

        Ko da a yanzun sun ‘yantu

        Sun sauke ba su karatu

28.   Ina kiran ku da alheri

        Allah ya kare dukan sharri

        Ya sa ku auri maza na gari

        Wa]anda basa yin mari

29.   Ina kike Auntie Sadiya

        Ya wacce ba ta jayayya

        Ina tuna ki a zuciya

        Allah yai maki sakayya

30.   In na tuno Auntie Sadiya

        Na kan ji }unci a zuciya

        Allah kai mata sakayya

        Ka ba ta lada na biyayya

31.   Kai mana canjin alheri

        A madadin wanga ha]]ari

        Allah ka }ara mana jari

        Na dangana bisa mu}addari

32.   Rashida yarinyar kirki

        A gai da ke har Antinki

        Ga shawara ta a gare ki

        Ki }ara }wazo gun aiki

33.   Kun ga cikin lissafina

        Dole na sanya da Hassana

        Sannan Nafisa Hasan na tuna

        Mata ga Garba na jinjina

34.   Halima T. Shehu na Kano

        Safiyya ma kan ki zan kwano

        Ke da Faridatu na gano

        Cewa kuna fa da alfano

 

35.   Fatima matar malam ce

        Bintoto mai son darasi ce

        Ki dinga rokon Rabbi ki ce

        Allahu ya sanya ki yi fice 

36.   Na kusa in manta da Sa’a

        Da ke da Safiyya mai sa’a

        ‘Yar Asama kin buga sa’a

        Tun da kina }in masha’a

37.   Dije Lawal }anwata ce

        Da Rabi sun }ulla }awance

        Allah ka sanya kin dace

        Aurenki da hankali kwance

38.   Ke Abu }anwa gun Dije

        Tsaya in ]an yi maki jaje

        Don kan fashi kin cije

        Da ke da Dijale kun saje

39.   Harira na can ]akinta

        Tana biyayya ga mijinta

        Ya Rabbi biya bukatunta

        Ka ninka lada a gareta

40.   Maryamu yaya ga Sakina

        A gai da babbar Antina

        Kanwarki ni ta shiga raina

        Ina ta nuna mata }auna

41.   Ke ko Sakina ki saurara

        Gare ki zan ]an yi ishara

        In dai har ni kika aura

        Wallahi kin tsere asara!

42.   Ya Rabbana na ro}e Ka

        Ka taimaka ma bayinKa

        Wa]anda ke bin manzonKa

        Wanda ya kawo sa}onKa

43.   Ya ‘yan uwana kui hakuri

        Wa]anda ba su cikin tsari

        Wa]anda nam manta, buri

        Na wa}e Daru bila fahari

44.   Ya ]alibaina ku ]an tsaya

        Ga hanzarina guda ]aya

        Don ko karatu za ya tsaya

        Ba na son mu yi jayayya

45.   Ni za na je NYSC

        Don haka dole mu bar darasi

        Kui hakuri kar kui kwafsi

        Duk farko sai yai akasi

46.   Allahu ]alibbai ga su

        Rabbi ka biya bukatunsu

        Ka yafe dukkan laifinsu

        Ka shirya dukkan zuriyarsu

47.   Ka sa su more wa ilimi

        Su dinga aiki da ilimi

        Don ya kasance ko lazimi

        Na zana wanga da al}alami

48.   Ina wa dangi ban kwana

        Ku yafe dukkan laifina

        Mu ro}i Allah duk ya mana

        Sakamakonmu da Aljanna

49.   Ai rabuwa ba ta da da]i

        Bayan sabo da nisha]i

        Mui hakuri har zuwa ba]i

        Mu jure dukkanin ra]a]i

50.   Allah na ke ro}o ya mana

        Falalar gamuwar mu da juna

        Ya sa mu jure da amana

        Da girmamawa gun juna

51.   Ma’assalam ni naka cewa

        Don lokaci na ta }urewa

        Zan ha]a duk nawa-ya-nawa

        In tafi neman dacewa

52.   Shi kenan sai na dawo

        Har tsaraba zan ]an kawo

        Ai baitukan sun ]an yi tsawo

        Amma a nan zan sa tsawo

53.   Nai adu’a a wajen Allah

        Tare da mammatse }walla

        Na ce ya }ara min falala

        Da gafara da yawan sallah

27 ga watan Yuli, 2004

Zariya.