MARDIYYA

MARDIYYA

Mardiyya Ahmad Bello wata yarinya ce da ta nuna mini }auna }warai! Babu shakka wata ‘ya ce wacce ba zai yiwu na manta ta da wuri ba. Duk da Allah bai }addara mata ta ce ba, kamar dai mafi yawan ‘yan matan da suka nunan }auna wa]anda Allah bai }addara aure tsakaninmu ba.

Na yi mata wannan wa}ar ne lokacin tana tashenta a zuciyata. Kamar in ce tukuici ne na }auna.

Wa}ar }war hu]u ce. Karinta karin baka ne.

Ga wa}ar:

1.    Bismillah Allah Rahmani

       Allah Sarki mai zamani

       Ni ro}ona gun Rabbani

       Ya ba ni basira mai riba

2.    Ni na yi salati mai tsoka

       Ga Muhammadu babban manzonka

       Da sahabbai manyan bayinka

       Alaye ma ban ware ba

3.    Nai ro}o gun Allah Rabbi

       Wa}en ga ya zamto ba aibi

       Allah ka hana ni zama gabi

       Allah ka raba ni da tababa

4.    Yau wa}a ta ta masoya ce

        Mardiyya sai ki sakankance

        Ki ji wanga batu da na tantance

        Wa}ar ba mai ]aci ce ba

5.     Mardiyya ]iya ce mai kirki

        Akwai ha}uri a ]abi’unki

        Kabiru yana yaba halinki

        Ba zan manta da karamci ba

6.     Ha]uwarmu da ke ban manta ba

        Tun ma ba ki }are aji shida ba

        Balle fa a ce kin zam babba

        Har yanzu ba ai wata ba ke ba

7.     Ke wajen haza}a ba dama

        Kullum karatu babu zama

        Duk karatuka ba kya }yama

        Ba wanda kike }i ko gaba

8.    Kwanyarki tana ja gun hadda

       Allah sa ki kunyata mahassada

       Sune wa]anda suke kasada

       Mardiyya ki zam ke ce a gaba

9.    Doguwar ]iya mai kyaun fuska

       Mai murmushi da yawan fa]aka

       Mai zakira, Allah san barka

       Manya kuke kune a gaba

10.  Na sani kina matu}ar sona

       Wallahi kina nunan }auna

       Tabbas karamci kin nuna

       Allahu ya saka ‘yar baba

11.  Mardiyya ki gane ai cewa

       Ko da yaushe walla ina kewa

       Don tuna ki ‘ya ce mai baiwa

       {aunarki da]ai ban fasa ba

12.  Ni a rayuwa yau burina

       Mardiyya ki zam mai ]akina

       Domin ki sanyaya ruhina

       Sai na zam da]ai ban ta~e ba

13.  Ko da yaushe ni a tunanina

       Ke nake tunawa ko a ina

       Kin zamo batun birnin raina

       Ba tare da na numfasa ba

14.  Ke first class ce ‘yar gata

       Ko gidanku ke ce ‘yar auta

       Ban da wadda tai matsayi ya ita

       Ki ji wannan har ki fa]a a gaba

15.  Matan garin ga tsaya ki jiya

       Duk yawansu kan ke ]ai na tsaya

       Allah sa batun ga da nai ya biya

       Ba zai zam na yi a banza ba

16.  Don Allah ki ]an rage kishinki

       Zafi na so a kwakwalwarki

       Tuntu~e yake ga haza}arki

       ‘Yar uwa ki zam mai hanga gaba

17.  Mai halin kamala Mardiyya

       Mai kyaun kama, jikar manya

       Muryarta za}wai ya balarabiya

       Ga ta ‘yar fara da kalar kwalba!

18.  Dukka ayyukan shirme ki bari

       In kin }i ko kya sha mari!

       Har ma ina fatan }ari!

       Dariya kike ba kuka ba?

19.  {yaliya da neman jayayya

       Ki bari, hakannan yin }arya

       Bar taimakon mai kusheyya

       Don yin hakan bai dace ba

20.  Mardiyya ki saurara ki jiya

       Nasihohi ne za na biya

       Don cika wa ha}}in soyayya

       Ba wai akan ~atanci ba

21.  Farko ki tuna da a}idarki

       {addara ta Allah Rabbinki

       Ki yarda ki bar nuna fushinki

       Ba za a wa Allah wayau ba

22.  Kin sani ina matu}ar son ki

       Allah ya sa in aure ki

       A sannnan za ki ga }aunarki

       Ta bayyana ba da ragowa ba

23.  Karatoci ki kula kin ji

       Ko da yaushe dole ki ]au caji

       Aiki ki yi shi kamar inji

       Ba wai ki zamo mai rauni ba

24.  In kin ka kula mun daidaita

       In kin }i tabbas mun ~ata

       Ba na jure sakarci da ~ata

       Ba zan kuma jure takaici ba

25.  Harka ta shirme babu fita

       Shirmantaku da yawan mita

       Ba sa iri ]ai da nagarta

       Hala ba ki gane batuna

26.  ’Yar da Asgari ke }aunarta

        Dole ne ta zam kan saitinta

        Hankali, haza}a siffarta

        Ai kina da su ba wai ne ba

27.  Ki tsaya mu gyara jawabinmu

       Mu ri}e amanar junanmu

       Gaskiya ta zamto cinikinmu

       Yadda sam ba za mu saranye ba

28.   Ba miskilanci ba gaba

        Banda raina yaro ko babba

        Haka nan ki bar nuna manuba

        Ban yarda da wannan ko ]ai ba

29.   Wa}ar ga nan zan }are ta

        Allah sa kina saurarenta

        Har ki gane komai ki fahimta

        Allah sa batun bai tsauri ba

30.   Bissalami nai miki ban kwana

        Allah sa mu gane halin juna

        Sannan mu zauna da amana

        {aunarmu ba }arama ce ba

31.   Zunubanmu Rabbi ka gafarta

        Matsalarmu Rabbi ka yo mafita

        Zuciya ka sa mu fi }arfinta

        Ko ba ki ji? Ba ki amsa ba

32.   Tammat bi hamdil Lahi, tsaya

        Sai an jima ke Mardiyya

        ‘Yar gidan karamci, tarbiyya

        Ba zam manta da karamci ba

03 Ga watan Maris, 2002

Zariya.