TURA TA KAI BANGO

TURA TA KAI BANGO

Wa}a ce da ke da ma’aunin Larabci mai karin

Faa-i-laa-tun    Faa-i-laa-tun

Wato karin da a ke ce wa Ramlu a larabce.

Na yi ta ne a kan soyayyarmu da Zainab M. Tukur da na ba da labari a baya. Lokacin da na ga cewa mutanen da suka shiga tsakanin soyayyarmu da tsakanin cin nasararmu sun tsaya tsayin daka don ganin cewa sun kawo }arshen dangantakarmu ko ta halin }a}a.

Ga wa}ar:

1.    Asgari zai rera wa}a

       Rabbi }ara min haza}a

       Baitukan su yi kyau ya sa}a

       In gama ban karare ba

2.    Nai salati gun Rasulu

       Amadi shi ne Khalilu

       Gun Ilahi Zul Jalalu

       Ban ga gwarzo ni ya kai ba

3.    Alu baiti ina yabon ku

       Ku sahabbai na sako ku

       Masu ]akin Mahi har ku

       Ni ba zan ware guda ba

4.    Yau }asidar ba nisha]i

       Baitukan sam babu da]i

       Yau tsaya ki ji wanga ta]i

       Abu ba zan ba da ke ba

5.    Rayuwata ta yi }unci

       Na nutse a cikin ka]aici

       Ba ni ko da cin abinci

       Lafiya ba dai garan ba

6.    Ko da yaushe ina tunani

       Ko ka ji ni ina bayani

       Sai ka ce wani mai jununi!

       Ba jununin ko garan ba

7.    Sai bala’in so da }auna

       Ni da Abu muke wa juna

       ‘Yar da yanzu tana Kaduna

       Abu ba yau za ta zo ba

8.    {ila ma ta wuce Abuja

       Kai batun nan babu ko ja

       In ta je ta garin Abuja

       Ta yi nisa ba ka]an ba

9.    Abu ‘ya ce mai mutunci

       Ta kasance mai karamci

       Yanzu ta fa]a ka]aici

       Don ba ta gana da ni ba

10.  Tun da dai kin }aunace ni

       Ba ki son aibi gare ni

       Abu ni kin tallafe ni

       Ni ba zan manta da ke ba

11.  Ni ha}i}a kin biya ni

       Kin ka killace so gare ni

       Shi ya sanya kin ka gan ni

       Ban ha]a ki da kishiya ba

12.  Duk wuya kin sha a kai na

       Har bala’i har da }una

       Kin ka nunan so da }auna

       Ba ki yaudari zuciya ba

13.  Zan ri}e ki bisa amana

       Rabbi }aro so da }auna

       Har ya zam mun auri juna

       Ba mu zam mun tarwatse ba

14.  Hassada da yawan mugunta

       ‘Yan uwa ku bari da }eta

       {addarar Allah ku bar ta

       Ba ku ce wai za ku ja ba

15.  Kun ka tsangwani ‘yar uwarku

       Kun hana ta zama cikinku

       Don tana so na, ganin ku

       “Wai ba zai dace da ke ba”

16.  Annabinmu ko ya hane ku

       Kan ku tilasa ‘yar uwarku

       Kun sani, kun kau da kanku

       Ba da hujja ko guda ba

17.  Ni yabo na gun Ilahi

       Don a}idata falahi

       Ban da shi Allah Ilahi

       Ban fa yarje ma wani ba

18.  }addara Allah ka yin ta

       Rabbi mai tsarin bajinta

       Mai cikar }udurar sarauta

       Bai yi tsara ko guda ba

19.  To idan shi yan nufata

       Za na zam fa miji gare ta

       Walla dole ku ban hanunta

       Ku ba za ku iya da ni ba

20.  In ko Allah bai nufa ba

       Bai zamo ya }addara ba

       Sam ba zan aure da ke ba

       Ko ba kui lura a kai ba

21.  Na sani in har na samu

       Rabbi ne ya nufa na samu

       Sanda duk na rasa Alimu

       Shi ya tsara ba da wai ba

22.  Dan Adam sarki na rauni

       Bai da }arfi don ya ba ni

       Ni da ku sam babu  raini

       Da a ce ba ku tsangwaman ba

23.   Ko ya ce wai zai hana ni

        Wagga }arya ce ta raini

        Rabbi dai shi za ya ba ni

        Ba da sa hannun mutum ba

24.   Ni da ku mu zuba mu je mu

        Kar ku fasa nufinku har mu

        Rabbi Allah agaje mu

        Ba ka bar mu da ‘yan uba ba!

25.   Kan kwa]ai kun kau da kanku

        Kun rufe ijiya da jin ku

        Za ku fa]a ku a teku

        Can cikinta ba za ku sha ba

26.   Wai a samo masu harka

        Alhazai manya na Makka

        Mai zuwa safara Amurka

        Ba student wai ya ni ba

27.   Wai batunku a sami dokta

        Mai yawan naira ku ba ta

        Wanda zai tsotse jininta

        Ba da alfarma ta so ba

28.   Ko a ce manaja na banki

        Ko sarakai masu doki

        Masu ji da isa da mulki

        Inda sam ba a san wuya ba

29.   Arziki Allah ka yin shi

        Har talauci kishiyar shi

        Babu wanda ka yi da kan shi

        Rabbi bai ga sa’a da]ai ba

30.   Ba yabon kaina nake ba

        Kun ga ni ba jahili ba

        Ba kamar wanen ku ne ba!

        Ba da}i}i ne fa ni ba

31.   [alibi ne mai haza}a

        Mai cikar ladabi a hal}a

        Kar ku nuna min zala}a

        Don ko walla ba za ku sha  ba

32.   Don akwai future gare ni

        Mai alamar kece raini

        Don akwai baiwa gare ni

        Ba kucaki zan zamo ba

33.   Kai ku koma hankulanku

        Don ku daina zubar da kanku

        Sai ku }yale ‘yar uwarku

        Ba ku zam ‘yan tsangwama ba

34.   Sai ku tuba gurin Ilahi

        Don ku zam samun falahi

        Rabbi shi yay yo subahi

        In ka }i shi ba za ka sha ba

35.   Zuciyata ta yi }una

        Yau tsaya ka ji martinina

        Kun ci bashi walla guna

        Sam ba zai da]in biya ba

36.   [an halas ku ka wa fitsara

        Kar ku ]auka za ku dara

        Don ko fansa za na tsara

        Ni ba zan yafe da]ai ba

37.   Basuka na kun ka ]auka

        Ran biya ai za ku koka

        Ran da fansa za na ]auka

        Ba da tausai za na zo ba

38.   Ramuwa ai ta fi gayya

        An wuce zamani na kunya

        Ba kawaici babu sanya

        Ni ba zan sake nufi ba

39.   Wanga aiki ya ishe ni

        Babu sauran }yale raini

        Ba ]agu na kafa gare ni

        Martani ba za ya kau ba

40.   Rabbana Sarki Alimu

        Mu gare ka muke batunmu

        Addu’ar da muke ka ba mu

        Khairi, karami da babba

41.   Laifuka Allah ka yafe

        Tun na da, har yau da safe

        Har na nan gaba duk ka yafe

        Babu mai haka ban da kai ba

42.   Dukanin khairi ka ba mu

        Hassada, Allah tsare mu

        Har da makirci da jurmu

        Ba mu zam mun karkace ba

43.   Nan nake so za na huta

        Wagga ‘yar wa}a da nai ta

        Tuntuni ne kar ku manta

        Kar ku ce ai ban fa]a ba

44.   Sallama naka yi gare ku

        Sai ku amsa ban da tsurku

        Bai da amfani gare ku

        Ko da dai ba ku san hakan ba

27 ga watan Yuliya, 2002.       

Zariya